قصص من الحياة

رعب فوق الخزانه

لدولاب؟ الدولاب ده أصلاً كان بتاع عيلة مراتي، وجالنا من بيت أهلها من سنين طويلة. هل ممكن يكون حد من أهلها هو اللي حط الصندوق ده فوق ونسيه؟ ولا حد حطه قاصد؟
حطيت الورقة على جنب، ومديت إيدي للصندوق. كان تقيل شوية على حجمه. فتحت القفل بتاعه بالراحة، كان مصدي وبيزيق. أول ما فتحته، لقيت جواه حاجات أغرب من بعض.
لقيت جواه شريط كاسيت قديم، وشوية صور قديمة بالأبيض والأسود، وصورة لبيت قديم شبه بيتنا بس مش هو بالظبط، ولقيت كمان مفتاح صغير لونه دهبي، وميدالية عليها حرف واحد بس. والحاجة اللي خلتني أتصدم بجد، لقيت دفتر صغير، مذكرات، مكتوب عليها من بره بخط كبير عشان اللي هييجي بعدي يعرف الحقيقة.
أنا في اللحظة دي، حسيت إن الموضوع أكبر من مجرد صندوق مرمي فوق دولاب. ده فيه سر، سر بقاله سنين مستخبي فوق راسنا واحنا عايشين تحته

ومش واخدين بالنا. كام مرة قعدنا في الأوضة دي؟ كام مرة اتفرجنا على التليفزيون تحت الدولاب ده؟ كام مرة بنتي لعبت تحته؟ واحنا ولا مرة فكرنا نبص فوق.
بصيت على العروسة القماش تاني. كانت قديمة، وهدومها مقطعة، وشعرها منكوش، بس اللي لفت نظري إنها كانت لابسة نفس لون الفستان اللي بنتي كانت بتحب تلبسه وهي صغيرة. صدفة؟ يمكن. بس الصدفة دي خوفتني أكتر.
خدت الصندوق ونزلت بيه من على الكرسي، وحطيته على الترابيزة بعيد عن بنتي عشان متشوفش اللي جواه وتتخض أكتر. رحت المطبخ، غسلت وشي بمية ساقعة، وحاولت أهدى نفسي. مسكت التليفون واتصلت بمراتي، بس هي مردتش، كانت لسه في الشغل. بعت لها رسالة لما تخلصي كلميني ضروري، فيه حاجة مهمة لقيتها فوق الدولاب.
رجعت لبنتي، لقيتها سرحت في الكرتون بس كل شوية تبص ناحية الدولاب وتتطمن إنه مفيش حاجة. خدتها
ودخلتها أوضتها، وحكيت لها حدوتة، وفضلت جنبها لحد ما نامت. بس أنا طول الليل مكنتش عارف أنام. كل ما أغمض عيني، أشوف العروسة وهي بتبص عليا، وأشوف الورقة اللي مكتوب فيها متفتحوش لوحدك.
بعد ما بنتي نامت، رجعت فتحت الصندوق تاني لوحدي، مع إني عارف إن الورقة كانت بتحذرني. فتحت الدفتر الصغير وبدأت أقرا فيه. أول صفحة كان مكتوب فيها أنا بكتب الكلام ده عشان محدش يمر باللي أنا مريت بيه. البيت ده فيه حاجة مش مظبوطة، بس مش شړ، هو بس عايز حد يسمعه.
الكلام كان غريب، بس كان مكتوب بحزن، مش پخوف. اللي كاتب الدفتر كان بيحكي إنه كان بيسمع صوت خطوات بالليل، وصوت لعب عيال صغيرة في الأوضة اللي احنا قاعدين فيها دلوقتي، مع إن ماكانش فيه عيال في البيت وقتها. وكان بيقول إنه كان بيلاقي اللعب بتتحرك من مكانها، وإن العروسة القماش دي كانت بتاعته

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى